Við erum fjölskyldufyrirtæki með töluverða sérstöðu. Hjá okkur er lögð mikil áhersla á að bjóða uppá heimilislegan mat, góða þjónustu og notalegt umhverfi.

Eldstó fæddist í bílskúr árið 1999 og fluttist í þessa byggingu árið 2004.

Húsnæðið var hinsvegar ekki upprunalega hugsað fyrir veitingarekstur, heldur reist undir ríkisfyrirtækið „Póstur & Sími” sem starfaði á árabilinu 1935-1998.

Eldstó Art Café var fyrst kallað Eldstó Café og rekið sem kaffihús frá 2004. Árið 2009 hófst veitingarekstur og síðan þá hefur töluvert af kjöti bæst á beinin og nú er Eldstó fjölskyldurekinn veitingastaður, kaffihús og leirlistagallerí.

Það er kaffiangan og matarilmur í loftinu. Tónlistin flýtur í bakgrunninum. Veggir eru prýddir málverkum eftir Helgu og hillum sem sýna hina handgerðu leirmuni hjónanna. Leirlistin og hlýja andrúmsloftið eru allsráðandi, enda stefna þeirra hjóna frá upphafi.

Það er ekki víða á Íslandi sem maturinn, drykkurinn, leirmunirnir og olímálverkin eru öll gerð „innanhúss“!

Te lagað í handgerðum tekatli eða heimagerð “latte-list” í handrenndum lattebolla. Njóttu hinnar sígildu íslensku kjötsúpu, en bæði lambið og skálin sem súpan er borin fram í eru héðan úr sveitinni!

Fyrir hópa stærri en 10 manns, vinsamlegast hafið samband í síma 482 1011 eða sendið okkur tölvupóst á netfangið panta@eldsto.is