Lambakjöt, skyr og flatbrauð eru hráefni samofin matarmenningu Íslands og sögu sem ber að halda á lofti. En matarmenningin mótast enn fremur af erlendum áhrifum, þar sem forvitnilegur bræðingur lagast að smekk neytenda í dag. Hugmyndafræði LAMB er einmitt að heiðra rammíslenskar hefðir og bræða við aldagamlar matarvenjur Miðausturlanda. Tilgangurinn er að aðlaga matargerð að breyttum matarvenjum, heiðra matarhefð og styðja við staðbundna matvælaframleiðslu. Við útbúum daglega sósurnar okkar á staðnum úr skyri og ólífolíu. Við notum ferskar kryddjurtir, kóríander og steinselju og litrík ilmandi ofurkrydd eins og túrmerik, chili, engifer, sumac, zaatar. Við bökum eigið flatbrauð í vefjurnar sem við rúllum upp með fjölbreyttum grænmetisblöndum íslensku gæða lambakebab eða t.d. falafel.

Það er opið alla daga frá 11:30 - 21:00. Erum með veislusal fyrir allt að 30 manns - fyrir nánari upplýsingar hafið samband í gegnum lambstreetfood@lambstreetfood.is Lamb Street Food hefur frá opnun leitast við að vera plastlaus staður, flokkar allt rusl og lífrænan úrgang í samstarfi við Flokku. Við leitumst við að nota eins umhverfisvænar umbúðir og við höfum tök á og höfum frá upphafi unnið gegn matarsóun, bæði með að hagræða í framreiðslu og að bjóða m.a. gestum okkar að taka með sér afganga af veitingum heim ef svo ber undir. Íslensk náttúra, hreint loft og hreint vatn er heimahagi íslenska lambsins og forsendur fyrir gæðum íslenska lambakjötsins.

For parties larger than 8 people, please contact us via e-mail: lambstreetfood@lambstreetfood.is or phone no.: +354 557 9777